სკოლამდელი განათლების პროგრამის მასწავლებელი

ნიუტონის თავისუფალი სკოლა ეძებს გოგონებსა და ბიჭებს სკოლამდელი განათლების პროგრამის (ფრესქულისა და ბაღი პატრონუსის) მასწავლებლის თანამდებობაზე.

ნიუტონის თავისუფალი სკოლის ფრესქულში და ბაღ „პატრონუსში“ ბავშვებთან ურთიერთობენ, თამაშობენ და მათთან ერთად იკვლევენ სამყაროს. თუ სურვილი გაქვს, განურჩევლად შენი პროფესიული სტატუსისა და დიდ სიამოვნებას განიჭებს ბავშვებთან ურთიერთობა და თამაში, მაშინ აქ შენი ადგილია!

ფუნქციები და მოვალეობები: ბავშვების უსაფრთხოებასა და განვითარებაზე ზრუნვა; ბავშვის პიროვნული თვისებების შენარჩუნება და განვითარება;

ბავშვის დამოუკიდებლობის ხარისხის გაზრდა, თვითმოვლის უნარ-ჩვევების განვითარება; ბავშვის ფსიქო-ემოციური უნარების განვითარების ხელშეწყობა; მეთოდისტის უშუალო ხელმძღვანელობით და საგანმანათლებლო პროგრამაზე დაყრდნობით ჯგუფის დღის განრიგის, გრძელვადიანი საგანმანათლებლო პროგრამის შემუშავება/განვითარება;

სხვადასხვა განმავითარებელი, გასვლითი აქტივობების და პროექტების დაგეგმვა და პროცესში მონაწილეობა; ზრუნვა პროფესიულ განვითარებაზე, ტრენინგებში მონაწილეობის მიღება და სხვა.