ექსპედიტორი

საკონდიტრო პროდუქციის სადისტრიბუციო კომპანია შპს "ჯეო გლობალ ფუდი" ეძებს ექსპედიტორს თბილისში. თქვენი ამოცანა იქნება საწყობიდან მიღებული პროდუქციის შემოწმება და სავაჭრო ობიექტებისთვის დროული, ზუსტი და უსაფრთხო მიწოდება.

სამუშაო პირობები:

სამუშაო არეალი: ქ. თბილისი;

საწყობი: გარდაბანი, სოფ. გამარჯვება (დამსაქმებელი უზრუნველყოფს დასაქმებულის ტრანსპორტირებას საწყობამდე)

გრაფიკი: სამშაბათი-შაბათი, კვირაში 5 დღე;

ანაზღაურება: ხელზე ასაღები 1400 ლარი + ბონუსი (ჯამურად დაახლოებით 1700-2000 ლარი)

ტრანსპორტი: კომპანიის საკუთრებაში არსებული სადისტრიბუციო მანქანა

თქვენი ძირითადი ამოცანები:

• საწყობში გამზადებული შეკვეთების მიღება და პროდუქციის რაოდენობისა და მდგომარეობის შემოწმება.

• ავტომობილში პროდუქციის განთავსება ისე, რომ დაცული იყოს გადაზიდვისას.

• შეთანხმებული მარშრუტით პროდუქციის დროული მიწოდება და ობიექტისთვის შეკვეთის მიხედვით ჩაბარება.

• მიწოდების დოკუმენტებთან პროდუქციის შესაბამისობის შემოწმება და ჩაბარების დადასტურება.

• დანაკლისის, დაზიანების ან მიწოდების შეფერხების შესახებ პასუხისმგებელი პირის დროული ინფორმირება.

რას ველით თქვენგან:

• B კატეგორიის მართვის მოწმობა.

• პროდუქციის დასახელებებისა და შეფუთვების გარჩევა; რაოდენობის ზუსტად დათვლა.

• პროდუქციის დატვირთვა-ჩამოტვირთვაში მონაწილეობის მზადყოფნა.

• პუნქტუალურობა, საქონელთან ფრთხილი მოპყრობა და კლიენტებთან თავაზიანი კომუნიკაცია.

• უპირატესობად ჩაითვლება დისტრიბუციაში, მიწოდების ან სასაწყობო საქმიანობის მიმართულებით გამოცდილება.

როგორ გამოგვეხმაუროთ:

გამოგვიგზავნეთ CV ელფოსტაზე: Email წერილის სათაურში მიუთითეთ "ექსპედიტორი — თბილისი".