კორპ. მომხმარებლების ტექნიკური მხარდაჭერის სპეციალისტi

შპს "გოუნეტი" ეძებს კორპორატიული მომხმარებლების ტექნიკური მხარდაჭერის სპეციალისტს , რომელიც ჩაერთვება ბიზნეს კლიენტებისთვის მიწოდებული ქსელური სერვისების მონიტორინგში, ტექნიკურ მხარდაჭერასა და ინციდენტების მართვაში. კანდიდატი იმუშავებს თანამედროვე ოპტიკურ და IP/MPLS ინფრასტრუქტურასთან, მონაწილეობას მიიღებს პრობლემების დიაგნოსტიკაში, მომხმარებელთა ტექნიკურ კონსულტაციაში და ქსელის უწყვეტი მუშაობის უზრუნველყოფაში. პოზიცია განკუთვნილია მოტივირებული კანდიდატებისთვის, რომლებსაც სურთ პროფესიული განვითარება.

მოვალეობები:

• კორპორატიული მომხმარებლებისთვის ტექნიკური მხარდაჭერის გაწევა.

• ქსელის სერვისებთან დაკავშირებული პრობლემების დიაგნოსტიკა და აღმოფხვრა.

• მომხმარებლების მიერ დაფიქსირებული ინციდენტების ანალიზი და საჭიროების შემთხვევაში შესაბამის ტექნიკურ გუნდთან ესკალაცია.

• Cisco, Juniper და სხვა ქსელური მოწყობილობების საბაზისო კონფიგურაცია და დიაგნოსტიკა.

• VPN, BGP, OSPF, VLAN, MPLS, QoS და სხვა ქსელური ტექნოლოგიების მხარდაჭერა.

• ოპტიკური ქსელისა და კორპორატიული სერვისების მონიტორინგი და გამართულობის კონტროლი.

• მონიტორინგის სისტემებში დაფიქსირებულ ალარმებზე დროული რეაგირება.

• შესრულებული სამუშაოების დოკუმენტირება და ტექნიკური ანგარიშების მომზადება.

• მომხმარებლებთან კომუნიკაცია ტელეფონით, ელფოსტითა და CRM სისტემის საშუალებით.

• სხვა ტექნიკურ გუნდებთან ეფექტური კოორდინაცია და ერთობლივი მუშაობა ინციდენტების დროული აღმოფხვრის მიზნით.

მოთხოვნები:

• უმაღლესი განათლება ან მიმდინარე სწავლა ინფორმაციული ტექნოლოგიების, კომპიუტერული მეცნიერების, ტელეკომუნიკაციების ან მონათესავე მიმართულებით.

• TCP/IP პროტოკოლების ცოდნა.

• Routing & Switching-ის საფუძვლების ცოდნა.

• VLAN, STP, OSPF, BGP-ის საბაზისო ან საშუალო დონის ცოდნა.

• IP მისამართების დაგეგმვისა და Subnetting-ის ცოდნა.

• Linux-ის ან Windows Server-ის საბაზისო ადმინისტრირების ცოდნა ჩაითვლება უპირატესობად.

• Cisco, Juniper, MikroTik ან სხვა ქსელურ მოწყობილობებთან მუშაობის გამოცდილება ჩაითვლება უპირატესობად.

• ინგლისური ენის ცოდნა ტექნიკური დოკუმენტაციის წაკითხვისა და წერილობითი კომუნიკაციის დონეზე.

• CCNA, JNCIA ან შესაბამისი ცოდნა/სერტიფიკატი ჩაითვლება უპირატესობად.

პერსონალური უნარ ჩვევები:

• პასუხისმგებლობის მაღალი გრძნობა.

• ანალიტიკური აზროვნება და პრობლემების ეფექტურად გადაჭრის უნარი.

• გუნდური მუშაობისა და ეფექტური კომუნიკაციის უნარი.

• დროის სწორად მართვისა და პრიორიტეტების განსაზღვრის უნარი.

• სტრესულ გარემოში მუშაობისა და სწრაფი გადაწყვეტილებების მიღების უნარი.

• ახალი ტექნოლოგიების სწრაფად შესწავლის სურვილი და პროფესიული განვითარების მოტივაცია.

პირობები:

• სამუშაო გრაფიკი - სრული განაკვეთი.

• ანაზღაურება - შეთანხმებით, კანდიდატის გამოცდილებისა და კვალიფიკაციის შესაბამისად.

• პროფესიული განვითარებისა და საერთაშორისო სერტიფიკატებისთვის (CCNA, JNCIA და სხვა) მომზადების შესაძლებლობა.

• თანამედროვე სატელეკომუნიკაციო და ქსელურ ინფრასტრუქტურასთან მუშაობის შესაძლებლობა.

• მეგობრული, პროფესიონალური და განვითარებაზე ორიენტირებული სამუშაო გარემო.

ენები: ქართული, ინგლისური, რუსული

რეზიუმე გამოგზავნეთ ელფოსტაზე: ელ. ფოსტა